ESCRIBIR
Si me quiten la palabra escribiré col silenciu.
Si me quiten la lluz escribiré en tiñebles.
Si pierdo la memoria inventaréme otru escaezu.
Si paren el sol, les ñubes, los planetes,
pondréme a xirar.
Si acallanten la música cantanré ensin voz.
Si amburen el papel, si s’enxuguen les tintes,
si restallen les pantalles de los ordenadores,
si esbarrumben les muries, escribiré nel mio aliendu.
Si amataguen el fueu que m’alluma
escribiré nel fumu.
Y cuando el fumu nun esista
escribiré nes güeyaes que nazan ensin los mios güeyos.
Si me quiten la vida escribiré cola muerte.
ÁNGEL GUINDA
(traducción de Xaviel Vilareyo) |
